Ծառատունկ Ոսկեվանում

«Ոսկեվան» հասարակական կազմակերպության նախաձեռնությամբ իրականացվեց ծառատունկ՝ Ոսկեվան համայնքում։

Ծառատունկի աշխատանքները կատարվեցին գյուղի սկզբնամասում՝ 1-ին փողոցի աջակողմյան հատվածում, ինչպես նաև հուշարձանի տարածքում։ Մեր նախաձեռնության նպատակն էր նպաստել համայնքի կանաչապատմանը, բարեկարգմանը և շրջակա միջավայրի պահպանությանը։

Միջոցառմանը մասնակցեցին համայնքի բնակիչներ, կամավորներ և մեր գործընկերները, որոնց շնորհիվ հնարավոր դարձավ իրականացնել այս կարևոր աշխատանքը։

Շնորհակալություն ենք հայտնում բոլոր մասնակիցներին՝ ակտիվ մասնակցության և պատասխանատու մոտեցման համար։ Ձեր աջակցությունն ու ներգրավվածությունը մեծ նշանակություն ունեն մեր համայնքի զարգացման գործում։

🌿 Մենք շարունակելու ենք նմանատիպ ծրագրերը՝ ուղղված համայնքի բարելավմանը և կայուն զարգացմանը։

Նյութը տեղադրեց՝ Աշոտ Սաֆարյանը