Շնորհավոր Սեպտեմբերի 1-ը՝ Գիտելիքի և դպրության օրը

Սիրելի՛ աշակերտներ, ուսուցիչներ, ծնողներ և կրթության բոլոր նվիրյալներ,

«Ոսկեվան» ՀԿ-ի անունից շնորհավորում ենք բոլորիդ Սեպտեմբերի 1-ի՝ Գիտելիքի և դպրության օրվա առթիվ։ 

Թող նոր ուսումնական տարին լինի նոր գիտելիքների, գեղեցիկ ձեռքբերումների, հաջողությունների ու հիշարժան պահերի տարի։ Մաղթում ենք մեր աշակերտներին հետաքրքրությամբ սովորել, հավատալ սեփական ուժերին և միշտ ձգտել նոր բարձունքների։ 

Այս գեղեցիկ օրվա առիթով «Ոսկեվան» ՀԿ-ն իր աջակցությունն է ցուցաբերել նաև մեր համայնքի առաջին դասարանցիներին՝ նրանց ապահովելով դպրոցական պայուսակներով և անհրաժեշտ գրենական պիտույքներով։ 

Մեզ համար կարևոր է, որ յուրաքանչյուր երեխա դպրոցական ճանապարհը սկսի անհրաժեշտ պարագաներով, վստահությամբ և լավ տրամադրությամբ։

Թող առաջին զանգը բացի գիտելիքի, ընկերության և նոր հնարավորությունների դուռը։ 🔔

Բարի՛ երթ մեր առաջին դասարանցիներին և հաջող ուսումնական տարի բոլորին

Նյութը տեղադրեց՝ Աշոտ Սաֆարյանը