ՈՍԿԵՎԱՆ

<p>Գյուղի հին գերեզմանոցի հարավային մասում կանգուն է բռնչենի ծառը, որի տարիքը ոչ ոք չգիտի։ Ենթադրվում է, որ այդ ծառը գյուղի հասակակիցն է։ Ծառի առջևի մասում Զորավար Անդրանիկի ծննդյան 125-ամյակի կապակցությամբ 1990թ․ կառուցվել է նրա կիսանդրին։</p>

Հիշարժան կառույց է նաև գյուղի մոտակա բլուրներից ամենաբարձր <<Պոպռոզ ղաշ>> բարձունքում, բարերար Անաստաս Հմայակի Գրիգորյանի կողմից կառուցված խաչը, որն ունի 13 մ բարձրություն և 9 մ լայնություն։ Այն նվիրված է մեր սահմանների պաշտպանության ժամանակ զոհված ազատամարտիկների հիշատակին։ Խաչի հիմքում տեղադրված հուշաքարին գրված է․ <<Բոլոր նրանց, ովքեր ընկան հաղթանակի և ապագայի համար>>։ Խաչը լուսավորված է էլեկտրական լույսով։ Բացման արարողությունը կատարվեց 2005թ․ հունիսի 11-ին։ Խաչը օծեց Գուգարաց թեմի փոխառաջնորդ Հայր Սասուն Զմրուխտյանը։

Ոսկեվանի մատուռ

Երախտապարտ ոսկեվանցիները չբավարարվեցին Հայրենական Մեծ պատերազմի զոհվածների հիշատակը հավերժացնող <<Մեծ նավ>> հուշարձան աղբյուրի կառուցումով և կառուցեցին նոր հուշարձան, որը նվիրված է Հայրենական Մեծ պատերազմում զոհված 156 ոսկեվանցիների անմահ հիշատակին։ Հուշարձանը կառուցվել է 1985թ․ գյուղում և գյուղից դուրս բնակվող ոսկեվանցիների միջոցներով, որը կառուցված է մեծ հաղթանակի 40-ամյակի առիթով։ Գյուղի մուտքի ճանապարհի աջ եզրում տեղադրված կոթողի առջև տեղադրված աջ և ձախ բազալտյա սալիկների վրա գրված է զոհվածների անունը, ազգանունը և հայրանունը։

<p>2003 թվականին եկեղեցին հիմնովին վերակառուցվել է մոսկվայաբնակ ոսկեվանցի, բժշկական զինվորական ծառայության գնդապետ Սուրեն Սարգիսի Բաբաջանյանի փեսայի և աղջկա՝ Արթուր և Գայանե Բագրյանների միջոցներով։ 2003 թվականի դեկտեմբերի 4-ին մեծ հանդիսավորությամբ կատարվեց եկեղեցու վերաբացումը։ Օծումը կատարեց Ն․Ս․Օ․Տ․Տ Գարեգին Բ Ամենայն Հայոց կաթողիկոսը, ով եկեղեցու օծումը կատարելուց հետո այն վերանվանեց Սուրբ Գայանե:</p>